小眾文化

有的物件，無生命，煞有靈魂 尤其是伊存在佇你的生活中 無論是時間猶是地位都有誠懸的份量以後 因為感情佮記憶的牽引，予怹有了靈魂 老車就是 從阮二舅買來彼時，伊是一台高級的轎仔 五速ギア，中央控制鎖，四門電動窗。 到阮老爸接手，佇伊20歲彼冬擱娶伊去板金 伊嘛陪伴我渡過研究所讀冊的過程 這馬伊離開啊，但是伊的靈魂會一直親像阮小弟仝款 佇我心內，佮我做伴。 彼工伊破病，佇高速頂懸歇喘 無論新車按怎好駛，嘛是老熟識的ハントル較好紡(phan2) 駛伊慣勢，駛著自排仔嘛是會共正手扶佇ギア頂懸。 心愛兮，再會。